Vrau gruan, qëndrimi i përlotur i 50-vjeçarit në Gjykatë: Mu errën sytë

00:40 | 26 Nëntor 2017
Trina Galanxhi

I përlotur dhe mjaft i penduar, ishte qëndrimi që Saimi Metushi, 50-vjeçari që vrau një ditë më parë gruan shfaqi përpara togave të zeza.

Gjatë marrjes në pyetje ai ka thënë se me bashkëshorten e tij kishte 4 vjet që konfliktohej dhe dje situata i kishte dalë jashtë kontrollit.

“Mu errën sytë, nuk e di se çfarë bëra”, tha ai mes lotësh. Pasi Gjykata dëgjoi deklaratën e 50-vjeçarit dha edhe masën e siguresë burg pa afat. Ngjarja e rëndë ndodhur paraditen e djeshme në fshatin Karpen të Kavajës.

Çifti u konfliktua për një motiv banal, ku Sose Metushi, 48 vjeçe mbeti i vdekur si pasojë e 4 goditjeve me thikë nga bashkëshorti i saj. Krimi makabër ndodhi në banesën e tyre. Sami Metushi ishte zemëruar më gruan e tij sepse kjo e fundit nuk i kishte bërë gati mëngjesin dhe rrobat për të dalë./G.Shqip

Shpërndaje në rrjete sociale

Lajmet më të lexuara

Të ngjashme

Foto lajm